JAMEI ALLAH BEUGEUT TA SATOEH
Assalamualaikom warah matullah
haba loen surah saleum loen mula
keu mandum syedara rakan meutuah
taufiq hidayah tuhan karoenya
teuma ngen pujoe geutanyoe seurah
keupo teuh allah yang maha kuasa
yang peujeut laoet gunoeng na sihah
pusaka luah ban sigoem doenya
lheuh nyan seulaweut geutanyoe papah
bak poe teuh Allah talakei doa
keu sidroe nabi utusan Allah
lahe di mekkah bak pusat doenya
deunge hai teungku ummi meutuah
bacut peutuah loen cuba rika
haba loen rawi bacut loen surah
amai ibadah ramadha teuka
rata jeut buku kitab loen peuhah
seutoet fadhilah buleun puasa
meunan ciet nariet ulama peugah
buleun nyan meugah neulipat ganda
awai na hadist nabi yang peugah
rawi kalam Allah hadist qudsi geunama
ubena amalan hamba neupeugah
keujih loen seurah seulaen puasa
leubeh puasa rahasia ibadah
han toem na teuhah nibak silingka
laen sumbahyang zakeut geupeugah
nyan ibadah nampak bak mataa
jinoe tacuba buka fadhilah
lhei ploeh malam fatrah teuraweh na
bak buleun laen hai mi meutuah
adak tareupah teuraweh hana
lam tiep tiep malam laen fadhilah
han mungken loen peugah panyang leupah na
tameuseudeukah nyan brat fadhilah
saboeh tahadiah siploeh neuganda
teuma uroe nyoe rakan meutuah
nam blah ka sudah ramadhan tiba
padum na amai yang ka takubah
nyoe jamei Allah bek tasia-sia
meunyoe keuh buleun rakan meutuah
tamah ibadah keu pangkai teuma
bek gadoeh laloe ngen poeh barakah
padum ka sudah Qur an tabaca
etnoe meumada haba loen surah
narit yang patah meuah loen pinta
menye keuh haba hidang loen peuhah
laen hai ayha han eik loen peuna
talakei doa keudeh bak Allah
iman meutamah oeh lehuh puasa
pintoe syuruga ke tanyoe neupeuhah
berkat ibadah buleun puasa
Posting Komentar